يارين بويون قوجاقلاديم، يار آغلادي من آغلاديم
يغيشدي قونشولار بوتون جارآغلادي من آغلاديم
باشيندا قار قالان داغا، دانيشديم آيرِيليق سؤزون
بير آه چكيب باشينداكي قار آغلادي من آغلاديم
طارمدا نار آغاجلاري مني گؤروب دانيشديلار
بويومو زيتون اوخشادي نار آغلادي من آغلاديم
اؤرك سؤزون دئديم تارا سيملر اولدو پارا- پارا
ياواش- ياواش سيزيلدادي تار آغلادي من آغلاديم
دئديم كي حاق منيم كيدير باشيمي جكديلر دارا
طناب كسنده بوينومو دار آغلادي من آغلاديم
ايليگه اسدي بير خزان تالاندي گوللريم منيم
خبر چاتينجا بولبوله خار آغلادي من آغلاديم
«جعفريم» بويوم بالا غم سينمده قالا- قالا
يار جانيمي آلا آلا يار آغلادي من آغلاديم.